Gründet im Jahr 2002, am Äschermittwuch...

​​

Eignigs Album: "Morgetau" usegeh mit fulminanter CD-Taufi in Benken under de Marke: "six-pägg & friends-Party" im Jahr 2004.

​​

Einigi Jahr lang Gigs gspielt vor chlinerem und grösserem Publikum, z.B. am Bänggner Indiacca Openair, am Goldinger Chäferfäscht, a de Beachparty Weesen, am Schmerkner Rockfest.ch, am Gade Openair und Open Air Wolfhalden im Appezellerland, am Weggiser Rosenfest am Vierwaldstättersee, einigi Mal im legendäre Uzner Ochsesaal oder au i de Oldiebar, i de Bänggner Rietsporthalle sowieso, im Kaltbrunner Kupfeträff, im Glarnerland, im Urnerland, a wiitere Frischluft-Festivals, a Waldfäschter, a Hallefäschter, i Bars, i Clubs, a verschiedenste Partys, zu allne Jahreszyte, a drü sälber produzierte "six-pägg & friends- Partys", und so witer.

​​

Puuri Freud und Nervekitzel erläbt, wo en Song vo üs (Ferie) s'erscht Mal uf em damalige Radiosender "Swiss Music Radio" glaufe isch.

​

Gspielt vor Plüsch, vor em Trauffer sine Airbäg, vor Shakra, vor em Adrian Stern, vor em Stress und - wow! - mit grosser Freud gspielt au vor Patent Ochsner, und und und...

​​​

Fazit nach über 20 Jahr und inzwüsche als 10-köpfigi Mundart-Rock-Pop-Band, bestehend aktuell usem Raimä, Claudio, Pascal, Dezibel, Peter, Marcel, Giusi, Bächi, Gilbert und em Mäse: es hät extrem Spass gmacht! Witer gohts!